Matun ngaireo tunhaowa Zimik
Makum khangai kazingla kumluiura
Atamna kasing mikumo shongzala
Manarsingpai karphalung-nga shingashong.
Somkhangai apamwui eina khangthuishap
Paropngaiching kachi ning-ngaila shimanmi,
Khamana atamla ngahunmihai
Khipakhana makhayui atam pangthem.
Ngapak khavai rasamkaphang pheikar
Phaningching kapai otsak sakrumhai
Mahanung mara atambing chi vaolala
Khanishi mawon kapai mirin riyan.
Raitha mihao Imangli ajava atamna,
Mazangta khangai yur katei luiramli
Ringkapha khi leira kahao kapam;
Ngashanla makhamalan kaphung zingshoram.
Ngasotnao, ramnao, shimkhur phaningungching
Ningtha sangmi kahaiwui kachot sarisak
Malairekda malai kapaiva maning
Kar-rum zatrum kahai ringkapha pheikarbing.
Nganuingaishon, yaron ngala sangaichingnga
Makar ngaireo karda thuihai rasai pheikar
Kashi maphenpai khangachei hupta
Kapar ngavai khamarar mari ngalungla.
Mangshong ngasa kahai aya kaho
Makot kapai wuklungli ngayinsai
Mapingasakpai ringpha khangasak kachihan
“Atamlungli zakmai zingkumna ngacheihailala,
Samphang luira leishikhamatai Iyarnaobingli
Makhangachei zingsho kaphungram chili.”
*** A tribute to all the members of Timrumshon Yar, and Tangkhul alumni of D.M College of Arts Imphal.
2 comments:
Could u translate this in english?It's my request.
:-), That would be a mammoth task and in the end it would come out something of "lost in translation" stuff. Will keep this in mind!!!
Post a Comment